Zinedine Zidane gati të marrë drejtimin e Francës pas Kupës së Botës 2026

Ish-trajneri i Real Madridit dhe legjenda e futbollit francez, Zinedine Zidane, është gjithnjë e më pranë marrjes së drejtimit të Kombëtares së Francës pas përfundimit të Kupës së Botës 2026. Sipas burimeve të afërta me Federatën Franceze të Futbollit, Zidane është kandidati kryesor për të zëvendësuar Didier Deschamps, i cili pritet të largohet pas një dekade në krye të ekipit kombëtar. Zidane ka shprehur hapur dëshirën për të drejtuar “Les Bleus”, dhe me përvojën e tij të suksesshme si trajner në nivel klubesh, ai shihet si zgjedhja ideale për të nisur një epokë të re për Francën.